అందరికీ సకాలంలో అందుబాటులో మంచి నాణ్యమైన వైద్యం... ముఖ్యంగా ప్రాధమిక,అత్యవసర చికిత్సలు ,ఉచిత అత్యవసర మందులు, పరిశుభ్రమైన హాస్పిటల్స్ , అందివ్వడం ప్రభుత్వాల బాధ్యత .
అలాగే, నాణ్యమైన ,హేతుబద్ధమైన ,వైద్యాన్ని అందించడం ప్రయివేట్ వైద్యుల కర్తవ్యం .
కానీ, అటు ప్రభుత్వం , ఇటు ప్రయివేట్ వైద్యులు వారి వారి బాధ్యతలను సరిగా నిర్వర్తించ లేక పోతున్నారు .
సరైన చికిత్స అందకపోవడం, పరిశుభ్ర వాతావరణం లేకపోవడం, జవాబుదారీ లోపించడం ,
అందుబాటులో స్పెషాలిటీ సేవలు లేకపోవడం అనేవి ప్రభుత్వ హాస్పిటల్స్ లో ని లోపాలు .
అనవసరమైన వైద్యం చేయడం,డబ్బులు అపరిమితంగా గుంజేయడం, వైద్యాన్ని ఒక బాధ్యతా
యుతమైన వృత్తి గా కాక వాణిజ్యపరమైన వ్యవహారం గా మార్చేయడం అనేది
ప్రయివేట్ వైద్య సంస్థలలోని లోపాలు .
ఈ లోపాలకు ,అవినీతికి, అనైతికత కు కారణాలను పరిశీలిస్తే ఎవ్వరో ఒక్కరిని వేలు పెట్టి చూపించలేము .
నేటి సమాజమే ఆలా ఉంది . వ్యవస్థలు,సమస్తం కుళ్ళి పోయాయి .
మనుషులు పూర్తిగా డబ్బు కూడబెట్టే యంత్రాలై పోయారు .
సమాజంలో భిన్న వర్గాలు అవినీతి,అనైతికత లతో కుళ్ళి పోయి బలహీనులను దోచుకోవడం
మనం చూస్తున్నాం ... అదే పరిస్థితి వైద్య నియంత్రణ సంస్థలలో , వైద్య వృత్తి లోనూ ఉంది . ,
బలహీనులను ,అంటే ... పల్లె జనాలను పీడించి పబ్బం గడుపుకొంటూ , పైపెచ్చుఁ అవేమి
చేస్తాయంటే నువ్వు దొంగ ... నువ్వు దొంగ అనుకొంటూ వీరంగం చేయడం మొదలెడతాయి .
క్లినికల్ నియంత్రణా చట్టం, మొదలుకొని సుమారు 200 చట్టాలతో వైద్యులను,హాస్పిటల్స్ ను
కట్టడి చేయాలని అనుకోవడం ప్రభుత్వం చేతకానితనం .
అధికారం చేతిలో ఉందిగదా అని, ప్రభుత్వం, భయంకర చట్టాలతో వైద్య వృత్తి పై జులుం చేస్తుంది .
ఈ క్రమంలో చేయరాని తప్పులు చేస్తుంది .
ఆధునిక వైద్యార్హత ఏమాత్రం లేని ఆయుష్ వాళ్ళ చేత ఆధునిక వైద్యం చేయించాలను కోవడం , వినియోగ దారుల రక్షణ పేరుతొ వైద్యాన్ని అంగట్లో అమ్మే వస్తువు గా మార్చేసి వైద్యవృత్తిని వ్యాపారం గా మార్చేయడం,
వైద్యవృత్తిలో జరిగే పొరబాట్లను (Medical errors) అత్యంత తీవ్రమైన నేరంగా పరిగణించడం ,
ప్రభుత్వం చేస్తున్న అత్యంత పెద్ద తప్పులు . .
ప్రభుత్వానికి ,వైద్య వృత్తి సంస్థలకు మధ్యన జరుగుతున్న గొడవ ఇదే!
ప్రభుత్వం చేతిలో బలముంది . దానితో వైద్య వర్గాలను అణచాలనుకోవడం అనాగరికం,
ఆటవికమే తప్ప నిర్మాణాత్మక చర్యకాదు !
దీనికి తోడు మౌలిక సదుపాయాలైన , హాస్పిటల్స్ భవనాలు , మానవ వనరుల కొరత , సరైన బడ్జెట్ కేటాయించక పోవడం,మందుల కొరత , పరికరాలను వర్కింగ్ కండిషన్ లో ఉంచుకోలేకపోవడం,
కోల్డ్ చైన్ లేకపోవడం,అవినీతి మొదలైన లోపాలతో,మిగతా ప్రభుత్వ సంస్థల లాగానే ప్రభుత్వ ఆరోగ్య సంస్థలు
కుంగి కునారిల్లుతున్నాయ్ .
సరైన వైద్య విద్యార్హత లేకుండానే వైద్యం చేసి ప్రాణాలతో చెలగాట మాడటం నేరమైనా ,అదుపు చేయలేని దుస్థితిలో ప్రభుత్వం ఉంది .
వైద్య విద్యార్హత ఉండి కూడా అవసరమైన నైపుణ్యం లేకుండా వైద్యం చేయడం అనేది ప్రవేట్ వైద్య రంగంలో అతిపెద్ద తప్పు . అంతే కాదు, అనవసర మైన వైద్య చికిత్సలు చేసి డబ్బు గుంజేయడం, వ్యాపార దృక్పధంతో
మెడికల్ పరికరాలు,మందుల ను ఇష్టం వఛ్చినట్లు వాడేయడం అనేది కార్పోరేట్ వైద్య సంస్థలలో ఎక్కువగా జరుగుతుందని ఒక పరిశీలనలో తేలింది .
ఏది ఏమైనా , ప్రభుత్వము , కార్పోరేట్ వైద్య సంస్థలు , ప్రయివేట్ వైద్య సంఘాలు కూర్చుని ఈ లోపాలను సవరించు కొనే ప్రయత్నాలు చేయాలి తప్ప,ఎవరికీ వారే స్వతంత్ర ఏకపక్ష నిర్ణయాలు తీసుకొంటె సరైన సమన్వయం కుదరక లోపాలు , ఘోరాలు మరింత ఎక్కువైతాయి . ఒక వర్గంపై మరో వర్గానికి అనుమానం,అపనమ్మకం మరింత పెరిగి ఘర్షణ వాతావరణం ఏర్పడి చివరికి సామాన్యుడు నలిగి పోతాడు .
తమ తమ లోపాలను,అసమర్ధతలను కప్పి పుచ్చు కోవడానికి నెపాన్ని ఒకరిమీద మరొకరు రుద్దుకోవడం
తక్షణం ఆగిపోవాలి .
అన్ని వర్గాల ను సమన్వయం చేసుకొంటూ విధి విధానాలు ఏర్పాటు చేయవలసిన గురుతర
బాధ్యత ప్రభుత్వం పై ఉంది .
Comments
Post a Comment